Este proxecto é unha web de referencia para o grupo Hello Sisters!.
O modelo que se empregou foi GameR - gaming HTML template.
Se queres facer calquera modificación, asegúrate de que as imaxes que poñas sexan Creative Commons ou de citares a súa autoría se a/o propietaria/o así o indica. Polo de agora, as imaxes que se usan de fondo na web foron sacadas de Unsplash e pixabay.
Por outra parte, para calqueira modificación, fai unha Pull Request ao repositorio, creando a túa propia branch.
Non fagas cambios directos na rama main! ;)
Os pasos que seguimos cando queremos modificar algo do repositorio son os seguintes:
-
Crear ticket no backlog do proxecto en GitHub coa descrición da tarefa que se vaia facer.
-
Cando vaias comezar coa tarefa, mover a ticket a In progress, crear un issue a partir del e asignalo a quen corresponda (posiblemente sexas ti quen vai realizar esa nova tarefa).
-
Se o consideras necesario, pódeslle poñer a etiqueta que mellor che pareza.
-
Dentro dese issue é moi práctico e recomendable engadir a descrición da tarefa, onde tamén podes engadir checkboxes, de forma que se poida ir marcando o progreso.
-
-
Crear a rama en local ( feature/nomeDaRama ) e subila ó repositorio. Como de momento está vacía:
git commit --allow-empty -m "Root commit"git push origin feature/nomeDaRama
-
Unha vez subida a rama, crea unha PR (Pull Request) a partir desa rama e márcaa como draft (para indicarnos ás demáis que aínda estás a traballar nela) - guía para crear unha PR
-
Despois disto, é moi recomendable relacionar a PR co issue (guía para enlazar issue con PR).
-
A traballar na tarefa!
-
Por último, cando xa estea a tarefa rematada con todos os commits subidos, move o ticket á columna In test, de xeito que o resto saibamos que está á espera de que alguén revise e aprobe a PR. Agora soamente quedaría sacarlle o draft á PR e pedirlle a outra sister que revise e aprobe a PR! Se consideras que isto non é necesario, sempre poderías aprobar a PR ti mesma.
Para crear unha nova entrada no blog, será necesario que fagas o seguinte:
- Seguir os pasos explicados arriba para crear unha nova rama, etc.
- Crear unha nova entrada do blog a partir do modelo dun blog-item. Aí poderás completar toda a información referente á túa temática.
- Recorda completar a última parte na que hai un oco para poñer información sobre ti mesma! Para isto pódese reutilizar o teu avatar que debería estar gardado en /img/sisters. De non ser así, este é un bo momento para facer un e engadirte como membra de HelloSisters!
- O seguinte paso sería engadir o teu post na blog-list.
- Por último, só quedaría actualizar o contador para o seguinte evento. Para isto, hai que actualizar a data do ficheiro index.html seguindo este formato "Sep 5, 2021 17:30:00".
- Lista!
Para engadir a unha nova sister na web, os pasos a seguir son os seguintes:
- Seguir os pasos explicados arriba para crear unha nova rama, etc.
- Crear un avatar usando este modelo en picrew.me. Lembra seleccionar o fondo branco para que despois sexa máis cómodo borralo, xa que o resto das imaxes das sisters están co fondo transparente.
- Para isto recomendámosche que uses GIMP ou calquera outra ferramenta de edición de imaxes.
- Gardar o avatar na carpeta /img/sisters.
- Duplicar a unha das sisters que xa estean na web e engadir os teus datos: nome, especialidade e RRSS (nosoutras de momento estamos poñendo os perfís de Twitter, LinkedIn e GitHub).
- A web está deseñada para mostrar a 3 sisters en cada fila. De ser necesario crear unha nova fila, recorda poñer o col-sm-4.
- Lista!
Fálanos por calquera delas, estaremos encantadas de responder calquera dúbida!
- Instagram: https://www.instagram.com/hellosistersfic/
- Twitter: https://twitter.com/hello_sisters_
- LinkedIn: https://www.linkedin.com/company/hellosisters/
- Canle de Telegram: https://t.me/hellosisters